Fiskistofa hefur lokið við að laga þær villur sem komu upp við innleiðingu á reglum ESB í veiðivottorðakerfinu.

Notendur geta nú skráð sig inn í kerfið og búið til veiðivottorð sem sendast svo inn í kerfi ESB.

Fiskistofa vill benda á nokkur mikilvæg atriði

• Ef um unnar fiskafurðir er að ræða þarf vinnsluvottorð.

• Vinnsluvottorðið verður til sjálfkrafa í kerfinu samhliða veiðivottorði, vinsamlega kynnið ykkur leiðbeiningar.

• Hafi veiðivottorð fyrir vörur sem koma til landa innan ESB frá og með morgundeginum verið útbúið með eldra útliti þarf að búa til nýtt vottorð.

• Ekki er hægt að afrita upplýsingar úr vottorði með eldra útlit yfir í nýtt.

• Eldra veiðivottorð mun ekki hafa áhrif á útgáfu nýja vottorðsins.

• Ekki þarf að skrá tegund eða magn pakkninga

• Tollflokkar á vottorðum:

  • Veiðivottorð: tollflokkar eru 6 stafir

  • Vinnsluvottorð: tollflokkar eru 8 stafir (fyrstu 6 þeir sömu og í veiðivottorði)

• Komi þessi villa upp, þá er hún vegna álags á kerfi ESB og er hægt að prufa aftur eftir um tíu mínútur.

  • Catch certificate is not valid in TRACES. • [HTTP_ERROR] TRACES returned 500 Slóð: RecentRequestsQuotaExceededException

Athugið

Útflytjendur og vinnsluaðilar fiskafurða eru beðnir um að skrá ekkert sjálfir inn í TRACES kerfi ESB til skráningu upplýsinga varðandi útgáfu veiði og vinnsluvottorða.

• Skráning getur leitt til villu sem leiðir til höfnunar veiði- eða vinnsluvottorðs.