Nýtt fiskveiðiár hefst 1. september næst komandi og við hvetjum aðila til að kynna sér viðeigandi reglur eftir því sem þær birtast í B deild Stjórnartíðinda.

Úthlutun

Í lok ágústmánaðar mun Fiskistofa úthluta til skipa með hlutdeildir. Tilkynning til útgerða verður send í stafrænt pósthólf útgerðaraðila á Ísland.is og verða úthlutanirnar birtar á gagnasíðum Fiskistofu.

Millifærslur

Ósk um flutning hlutdeilda ásamt öllum fylgigögnum þurfa að berast ekki seinna en 31. júlí næstkomandi á millifaerslur@fiskistofa.is ef taka á tillit til þeirra við úthlutun um næstu fiskveiðiáramót.

Nánari upplýsingar um fylgigögn:

• umsókn um flutning aflahlutdeilda

• umsókn um flutning krókaaflamarkshlutdeilda

Heimilt er að flytja aflamark fiskveiðiársins 2024/2025 í rafrænu millifærslukerfi Fiskistofu til 15. september.

Skipt um veiðikerfi

Um fiskveiðiáramót er skipum heimilt að skipta á milli krókaaflamarks- og aflamarkskerfis. Skip í krókakerfi sem hafa hlutdeildir verða að færa af sér allar hlutdeildir áður en hægt er að flytjast á milli kerfa.

Beiðnir um flutning sendast í tölvupósti á fiskistofa@fiskistofa.is fyrir 1. september.

Veiðiskylda

Mikilvægt er að fylgjast með stöðu veiðiskyldu á skipum. Skip sem ekki verða búin að uppfylla veiðiskyldu fyrir 1. september verða svipt öllum hlutdeildum sem eru á skipinu.

Fiskistofa veitir undanþágu frá veiðiskyldu ef skipið hefur verið frá veiðum í að minnsta kosti fjóra mánuði eða lengur vegna tjóns, meiri háttar bilana eða endurbóta.

Senda þarf póst þess efnis á fiskistofa@fiskistofa.is ásamt fullnægjandi gögnum til að sýna fram á tjón, bilun eða endurbætur.