Í kjölfar hlutdeildarsetningar grásleppu vöknuðu fjölmargar spurningar hjá hagaðilum og mátti ráða af innsendum erindum að ansi misjafn skilningur er lagður í nýju reglurnar.

Við höfum því tekið saman helstu punkta sem snúa að framkvæmd veiðanna:

• Öll skip með almennt veiðileyfi mega stunda grásleppuveiðar en þurfa til þess aflamark í grásleppu og landa aflanum í löndunarhöfn innan veiðisvæðis skipsins.

• Flytja má aflamark í grásleppu á milli skipa sem eru með heimahöfn á sama veiðisvæði.

• Skip með aflamark í grásleppu, þar með talin krókaflamarkskip, má nota grásleppunet.

• Grásleppa sem veidd er sem meðafli við veiðar á uppsjávarfiski telst ekki til aflamarks samkvæmt reglugerð.

Aðrar mikilvægar upplýsingar:

• Heimilt er að skrá grásleppu sem VS afla óháð svæði.

• Tegundatilfærsla er notuð á afla umfram heimildir óháð svæði sem ekki er skráður sem VS afli.

• Grásleppu sem landað er utan veiðisvæðis telst ólögmætur sjávarafli.

• Afli sem er umfram heimildir telst ólögmætur sjávarafli.

• Brottkast á lífvænlegri grásleppu er óheimilt samkvæmt reglugerð.

Fyrirspurnum um aukningu á aflamarki í grásleppu er rétt að beina til Hafrannsóknastofnunar.