Markmið mannauðsstefnu Fiskistofu er að hæfni, þekking og viðhorf starfsfólks nýtist sem best hverju sinni svo ólíkum þörfum viðskiptavina sé mætt eins vel og kostur er. Mannauðsstefna byggir á gildum Fiskistofu sem eru traust, virðing og framsækni.

Stefnunni er skipt upp í sex meginflokka:

1. Liðsheild

Fiskistofa leggur áherslu á:

• Að hjá Fiskistofu sé góður starfsandi, góð samskipti og gott samstarf.

• Að starfsfólk upplifi að allir vinni á jafningjagrundvelli og að ávallt sé hægt að koma hugmyndum sínum á framfæri við allt starfsfólk Fiskistofu.

• Að tryggja þátttöku starfsmanna í uppbyggingu og mótun Fiskistofu.

• Að starfsfólk sé meðvitað um sinn þátt í að viðhalda ánægju á vinnustaðnum og leggja sitt af mörkum.

• Að starfsfólk leggi sig fram um að skapa góðan vinnustað og starfsanda þar sem vellíðan, heilbrigði, fagmennska og gagnkvæm virðing er höfð í fyrirrúmi.

2. Starfsþróun og fræðsla

Fiskistofa leggur áherslu á:

• Að hjá Fiskistofu sé ríkjandi menning fyrir teymisvinnu og þekkingarmiðlun og starfsfólk leitist við að auka þekkingu sína, sér í lagi á sínu starfssviði og sé jákvætt fyrir nýjungum.

• Að greina fræðsluþarfir starfsfólks og bjóða upp á öfluga símenntun, m.a. út frá reglubundnum starfsmannasamtölum.

• Að fræðsla og þjálfun sé sameiginlegt verkefni starfsmanns og yfirmanns og á ábyrgð beggja aðila, til að viðhalda hæfni og þróun í starfi.

• Að hvetja starfsfólk til frumkvæðis og sköpunar í starfi.

• Að tryggja þjálfun með framsæknum og fjölbreyttum aðferðum.

• Að starfsfólk miðli þekkingu sinni til samstarfsfólks.

3. Hvatning og endurgjöf

Fiskistofa leggur áherslu á:

• Að hverjum starfsmanni sé ljóst hvert sé verksvið hans og ábyrgð samkvæmt starfslýsingu.

• Að starfsumhverfið einkennist af fagmennsku, heiðarleika og virðingu.

• Að tryggja að starfsfólk fái reglulega hreinskipta og uppbyggilega endurgjöf á frammistöðu sína.

• Að allt starfsfólk starfi eftir siðareglum stofnunarinnar og gæti fyllstu þagmælsku í starfi.

4. Stjórnun

Fiskistofa leggur áherslu á:

• Að stjórnunarhættir hjá Fiskistofu byggi á gildum, stefnu og framtíðarsýn stofnunarinnar.

• Að ábyrgð og verkferlar séu skýrir.

• Að stjórnendur veiti nauðsynlegar upplýsingar, endurgjöf og hvatningu til árangurs og ábyrgðar í starfi.

• Að stjórnendur veiti markvissa upplýsingagjöf til starfsfólks.

• Að stjórnendur skilgreini markmið og miðli væntingum til starfsmanna.

5. Jafnvægi og vellíðan

Fiskistofa leggur áherslu á:

• Að góð og heilbrigð samskipti séu höfð í fyrirrúmi, byggð á gagnkvæmri virðingu og trausti.

• Að starfsmenn upplifi jafnvægi og geti samræmt starfsskyldur og fjölskylduábyrgð.

• Stuðning við heilbrigða og holla lífshætti og vellíðan í starfi.

• Möguleika á sveigjanlegum vinnutíma.

• Að vinnuaðstaða og tækjakostur sé í samræmi við þau verkefni og viðfangsefni sem starfið krefst hverju sinni.

• Vistvænar samgöngur starfsfólks til og frá vinnu.

• Að skapa starfsfólki aðstæður til að samræma ábyrgð starfs og fjölskyldu eins og kostur er.

• Starfsumhverfi sem einkennist af fagmennsku, heiðarleika, trausti og virðingu.

• Að einstaklingum sé ekki mismunað á grundvelli kynferðis, aldurs, trúar, þjóðernis, kynþáttar, fötlunar, kynhneigðar, stjórnmálaskoðana eða annarra ómálefnalegra þátta með vísan til siðareglna og jafnréttisáætlunar.

• Að einelti og kynferðisleg áreitni sé ekki liðin hjá Fiskistofu.

6 . Starfsmannaval

Fiskistofa leggur áherslu á:

• Að beita faglegu og skilgreindu ráðningarferli þar sem jafnræðis og hlutleysis er gætt.

• Að launakjör séu samkeppnishæf m.t.t. sambærilegra starfa hjá ríkinu. Horft er til einstaklingsbundinnar frammistöðu starfsfólks, frumkvæðis, fagþekkingar og vilja til að efla góðan starfsanda.

• Að taka vel á móti nýju starfsfólki og bjóða þeim upp á faglega þjálfun og aðlögun í starfi.

• Að hafa ávallt reglu í fyrirrúmi gæði þjónustu að skipa hæfasta starfsfólk sem völ er á til að tryggja og eftirlits Fiskistofu.

Stefna samþykkt í mars 2021