Kerfisvilla í heimildum til að veiða umfram aflamark í kolmunna, makríl og norsk-íslenskri síld
7. nóvember 2023
Samkvæmt lögum um stjórn fiskveiða og reglugerðum er varða veiðar á kolmunna, makríl og norsk-íslenskri síld er skipum heimilt að veiða 5% umfram aflamark sem dregst frá úthlutun næsta árs.
![](https://images.ctfassets.net/8k0h54kbe6bj/4Lu9c876hE0Lzq1G1YHJYo/2d3b4d2cd8dc55b4f16afdcbf77f5c5f/fiskistofa_fiskar_i_neti_mynd.jpg?w=50&fm=webp&q=80)
![fiskistofa fiskar i neti mynd](https://images.ctfassets.net/8k0h54kbe6bj/4Lu9c876hE0Lzq1G1YHJYo/2d3b4d2cd8dc55b4f16afdcbf77f5c5f/fiskistofa_fiskar_i_neti_mynd.jpg?w=774&fm=webp&q=80)
Í kerfum Fiskistofu er heimildin rangt skráð sem 10% í stað 5%. Fiskistofa mun leiðrétta þessa villu mánudaginn 13. nóvember. Þeim útgerðum sem eiga heimildir í þessum tegundum er bent á að fylgjast með breytingu á aflastöðu skipa sinna í þessum tegundum og gera viðeigandi ráðstafanir. Þar sem þessi villa á sér stað í kerfum Fiskistofu mun stofnunin ekki stöðva veiðar viðkomandi skipa um sinn sem fara í umframafla í þessum tegundum við breytinguna. Fiskistofa áréttar þó að ef staða þeirra hefur ekki verið leiðrétt fyrir 15. desember næstkomandi þá mun umframafli í tegundum vera meðhöndlaður sem ólögmætur sjávarafli.