Nýsköpunarsjóður námsmanna
Nýsköpunarsjóður námsmanna veitir styrki til að ráða stúdenta í grunn- og meistaranámi í sumarvinnu við rannsókna- og þróunarverkefni sem líkleg þykja til að stuðla að nýsköpun og auknum tengslum háskóla, stofnana og fyrirtækja.
Lýsing nýsköpunarstyrkja og umsókn
Styrkurinn greiðir laun nema, 340.000 á mánuði, að hámarki í 3 mánuði. Háskóli, rannsóknarstofnun eða fyrirtæki sér fyrir aðstöðu og efniskostnaði.
Umsóknir um styrki eru metnar með hliðsjón af möguleikum til hagnýtingar í atvinnulífinu og nýnæmi fyrir þekkingu í viðkomandi fræðigrein.
Leyfilegt er að greiða nemum viðbótarlaun og setja þá á launaskrá til að þeir séu tryggðir við störf.
Umsóknum skal skila á rafrænu formi í gegnum umsóknarkerfi Rannís. Ekki er tekið við umsóknum á öðru formi.
Fyrirspurninir sendist á netfangið: nsn@rannis.is
Símatími er á mánudögum - fimmtudaga frá kl 10-12 í síma 515 5800.
Þjónustuaðili
Rannsóknamiðstöð Íslands