Heilsueflandi vinnustaður

Heilsueflandi vinnustaður hefur það að markmiði að stuðla að góðri heilsu og vellíðan starfsfólks og er sameiginlegt verkefni vinnuveitenda, starfsfólks og samfélagsins alls.

Heilsueflandi vinnustaður er samstarfsverkefni embættis landlæknis, VIRK og Vinnueftirlitsins en öllum vinnustöðum landsins stendur til boða að verða heilsueflandi vinnustaðir.

Gátlistar Heilsueflandi vinnustaða eru:

• Hollt mataræði

• Stjórnunarhættir

• Vellíðan

• Starfshættir

• Hreyfing og útivera

• Vinnuumhverfi

• Áfengis-, tóbaks- og vímuefnalaus vinnustaður

• Umhverfi
  

Bætt heilsa og líðan starfsfólks

Flest verjum við um helmingi vökutímans í vinnunni alla virka daga. Það er því mikilvægt að vinnustaðir bjóði upp á heilbrigt vinnuumhverfi og stuðli að heilsueflingu og vellíðan almennt. Vinna er góð fyrir andlega og líkamlega heilsu en neikvætt vinnuumhverfi getur leitt til líkamlegs og andlegs heilsufarsvanda og jafnvel brotthvarfs af vinnumarkaði.

Ávinningur vinnustaðarins

• minni kostnaður vegna fjarvista starfsfólks

• minni líkur á veikindadögum og slysum meðal starfsfólks

• aukin framleiðni

• minni starfsmannavelta

• aukin nýsköpun

• bætt ímynd

• eftirsóknarverðari vinnustaður

Heilsuefling á vinnustöðum er því góð fjárfesting í mannauði.

Ávinningur starfsfólks

• bætt heilsa

• aukin vellíðan

• minni líkur á slysum og sjúkdómum

• aukin starfsgeta og jafnvel lengri starfsævi

Ef vel er staðið að innleiðingu heilsueflingar er hún líkleg til að skila ávinningi fyrir vinnustaði, starfsfólk, fjölskyldur starfsfólks og þjóðfélagið í heild. Mikilvægt er að á sem flestum vinnustöðum sé heilsuefling sjálfsagður þáttur í stefnu vinnustaðarins og unnið sé markvisst að henni.

Tengt efni

Tengdir vefir

• Vinnueftirlit

• Virk, starfsendurhæfingarsjóður

• Vinnuverndarstofnun Evrópu

• Heilsueflandi vinnustaðir - Vinnuverndarstofnun Evrópu

• Alþjóðaheilbrigðismálastofnunin (WHO)