Grásleppuveiðar
Tilhögun veiða og merking veiðarfæra
Net
Grásleppunet eiga að vera 12 möskva eða grynnri.
Möskvastærð á að vera á bilinu 10,5 þumlunga (267 mm) til 11,5 þumlunga (292 mm).
Til og með 31. ágúst 2026 má einnig nota net sem eru:
20 möskva eða grynnri.
með möskvastærð á bilinu 10,5 þumlunga (267 mm) til 11,5 þumlunga (292 mm).
Merkingar veiðarfæra
Netabaujur eiga allar að vera merktar með flaggi.
Flöggin eiga að vera merkt með umdæmis- eða skipaskrárnúmeri.
Belgir eiga að vera merktir umdæmis -eða skipaskrárnúmeri.
Netatrossur eiga að vera númeraðar frá einum til fjölda þeirra trossa sem bátur á í sjó.
Merkingar þurfa að vera stórar og skýrar.
Merkja á hvern blýtein með skipaskrárnúmeri samkvæmt reglugerð um merkingu veiðarfæra og töpuð veiðarfæri.
Vitjun neta
Draga á net ekki seinna en þremur sólarhringum eftir að þau hafa verið lögð í sjó. Undantekning er þegar veður hamlar sjósókn, þá þarf skipstjóri að senda tilkynningu á grasleppa@fiskistofa.is um að ekki hafi verið hægt að sækja net vegna veðurs.
Týnd net
Tapist net í sjó skal slæða þau upp. Takist það ekki á skipstjóri að senda tilkynningu til Landhelgisgæslunnar og til Fiskistofu og greina eins nákvæmlega og hægt er frá staðsetningu þeirra.
Þjónustuaðili
Fiskistofa