Gerð og skráning húsaleigusamninga

Aðilar leigusamnings eru alltaf að lágmarki tveir, leigusali og leigutaki. Það sem þarf að koma fram varðandi aðila samnings er:

• Nöfn, heimilisföng og kennitölur samningsaðila.

Ef leigusali eða leigutaki geta ekki sinnt skyldum sínum, t.d. vegna langvarandi fjarvista eða sjúkleika er nauðsynlegt að skrá umboðsaðila. Ef þetta á við verða eftirfarandi upplýsingar að koma fram:

• Nafn, heimilisfang og kennitala umboðsaðila leigusala og/eða leigjanda
  

Dánarbú getur verið leigusali en þá þarf að skrá umboðsaðila.

Yfirtaka leigusamninga

• Leiguhúsnæði má selja án samþykkis leigjanda, en leigjanda skal tilkynnt um eigendaskiptin innan 30 daga frá undirritun kaupsamnings

• Nýr eigandi tekur við hlutverki leigusala og þeim réttindum og skyldum sem fylgja leigusamningnum.

• Réttindi leigjenda haldast óbreytt þrátt fyrir eigendaskiptin.

• Tilkynna þarf HMS um yfirtökuna við þinglýsingu afsals