Fyrirframgreiddur arfur

Ef erfingi er ósammála sýslumanni um skattstofn vegna tiltekinnar eignar eða annað sem áhrif hefur á fjárhæð erfðafjárskattsins getur sýslumaður veitt erfingja tveggja vikna frest til að leggja fram gögn til stuðnings kröfum sínum. Sýslumaður má lengja þennan frest um tvær vikur. Að frestinum liðnum ákvarðar sýslumaður erfðafjárskattinn á grundvelli framkominna gagna og tilkynnir erfingja um það með sannanlegum hætti. Erfingjar hafa síðan 30 daga frest til að kæra ákvörðun sýslumanns um erfðafjárskatt til yfirskattanefndar ef þeir eru henni ósammála. Meðferð kærunnar fer þá eftir ákvæðum laga um yfirskattanefnd.