Fréttabréf júní 2025

Innritun í framhaldsskóla á Ísland.is

Innritun nýnema úr grunnskóla í framhaldsskóla fór í fyrsta sinn í gegnum Umsóknarkerfi Ísland.is í ár. Fjöldi árskorana felast í breytingu á stórum ferlum eins og þessum en innritun gekk bæði hraðar og betur fyrir sig nú en áður. Árgangurinn sem hefur nám í framhaldsskóla í haust er sá stærsti til þessa en 5.131 nemandi hefur verið úthlutað pláss, sem er 454 fleiri en í fyrra.

Framhaldsskólarnir gátu tekið við öllum nýnemum sem sóttu um, og því var hægt að samþykkja allar umsóknir þeirra sem uppfylltu inntökuskilyrði.

81% nemenda fengu pláss í skóla sem þau höfðu set sem fyrsta val og tæp 13% í annað val.

Lesa frétt um úthlutun í framhaldsskóla

57 þúsund umsóknir í maí

Metfjöldi umsókna fór í gegnum Umsóknarkerfi Ísland.is í maí.

Stafræn umsókn um starfsleyfi

Framhaldsskólanemar sem útskrifast af heilbrigðistengdri námsbraut úr framhaldsskóla geta sótt rafrænt starfsleyfi til Landlæknis. Fyrir voru námsbrautir háskóla. Þau fög sem eru aðgengileg eru:

• Lyfjatæknar

• Matartæknar

• Sjúkraliðar

• Tannlæknar

Starfsleyfi heilbrigðisstarfsmanna

Upplýsingar um nafnskírteini á stafrænu formi

Þau sem eiga nafnskírteini geta nú nálgast upplýsingarnar stafrænt á Mínum síðum Ísland.is og í Ísland.is appinu líkt og vegabréfsupplýsingar. Notendur geta sömuleiðis sótt um stafrænt. Markmiðið er að bæta aðgengi einstaklinga að eigin upplýsingum.

Lesa nánar um nafnskírteini

Veðbókavottorð skipa og ökutækja

Veðbókarvottorð fyrir skip og ökutæki til viðbótar við fasteignir. Stórnotendur geta safnað allt að 10 vottorðum saman og greitt í einni umsókn. Áður var eitt vottorð per umsókn.

Lesa nánar um veðbókarvottorð

Gagnvirk samskipti í Stafrænu pósthólfi

Þær stofnanir sem hafa innleitt þjónustukerfi Ísland.is hafa þann kost að bjóða tvíhliða samskipti í gegnum Stafræna pósthólfið. Það þýðir að einstaklingar og fyrirtæki geta valið að svara opinberum erindum í gegnum Stafræna pósthólfið. Innleiðing hefst af fullum krafti í ágúst.

Nýtt greiðslukerfi Ísland.is

Innleiðingu á nýju greiðslukerfi er nú lokið en nýja kerfið tengist tekjubókhaldskerfi ríkisins í rauntíma. Í framhaldinu er stefnt að því að bjóða upp á fleirir greiðslumáta. Verkefnið var leitt af Fjársýslunni í samstarfi við Stafrænt Ísland.

Lesa tilkynningu um greiðslukerfið

Stafrænir leigusamningar

HMS býður nú stafræna húsaleigusamninga milli leigusala og leigutaka í Umsóknarkerfi Ísland.is ásamt skráningu í húsaleiguskrá HMS. Samningurinn býður upp á rafræna undirritun beggja aðila og skráist að lokum sjálfrkafa í kerfið. Lausnin verður í raunprófunum í sumar hjá völdum aðilum og verður opnuð öllum þegar ný lög um húsaleigu taka gildi 1. september.

Útgáfufréttir Ísland.is

Tvær útgáfur voru hjá Stafrænu Íslandi nú í júní. Með útgáfufréttum er leitast við að segja frá þeim nýjungum, uppfærslum og þróun sem á sér stað í Ísland.is samfélaginu.

Lesa útgáfufréttir

Meðal verkefna Stafræns Íslands

Mínar síður Ísland.is

• Lyfjaávísanir og lyfjasaga

• Staða á biðlista

Notendaupplýsingar

• Skrá mörg netföng og tengja mismunandi netföng við umboð

Umsóknir

• Staðfesting á skólavist (grunnskóli)

• Skipta um grunnskóla

• Afturköllun ellilífeyris

• Skráning leigusamnings

• Tekjuáætlun TR

• Tilkynning um netglæp

• Umboð fyrir framkvæmdastjóra fyrirtækja

Stafrænt pósthólf

• Gagnvirk samskipti við almenning

Stjórnborð

• Tölfræði Stafræns pósthólfs fyrir stofnanir

Ráðstefnur

• Tengjum ríkið 18.september

Vefir í vinnslu

• Almannavarnir

• Dómstólasýslan

• Framkvæmdasýslan

• Heilsugæsla höfuðborgarsvæðisins

• Landspítali

• Lögreglan

• Rannís

• Framkvæmdasýslan

• Heilsugæsla Suðurnesja

• Rammaáætlun

• Kærunefnd vöru- og þjónustukaupa