Veðbókarvottorð er skjal sem segir hvaða réttindi eða skyldur hafa verið þinglýst á tiltekna eign.
Einstaklingar og prókúruhafar lögaðila geta sótt veðbókarvottorð fyrir fasteignir stafrænt. Eingöngu þeir sem eru með rafræn skilríki á Íslandi geta sent beiðni um útgáfu veðbókarvottorð rafrænt. Hægt er að sækja um rafræn skilríki á þjónustustöðum Auðkennis.
Hægt er að sækja tíu veðbókarvottorð í einni umsókn. Að sama tagi eða sitthvoru
Fasteign - fasteignanúmer má finna í fasteignaskrá.
Ökutæki - ökutækjanúmer má finna á ökutækjaskrá.
Skip - skipanúmer er hægt að finna á skipaskrá.
Veðbókarvottorðið er aðgengilegt í lokaskrefi umsóknarferlis. Einnig er vottorðið sent í pósthólf umsækjanda.
Greitt er með greiðslukorti í umsóknarferlinu og er gjaldið 3.100 krónur fyrir hvert vottorð.
Þegar umsókn hefur verið kláruð eru reikningar og greiðslukvittanir aðgengileg undir Fjármál á Mínum síðum og rafrænum skjölum í öllum netbönkum.
Algengt er að veðbókarvottorð innihaldi upplýsingar um:
Lán sem hvíla á eigninni.
Kvaðir sem þinglýst er á eignina.
Húsaleigusamninga.
Lóðarleigusamninga.
Eignaskiptasamninga.
Umboð fyrir aðila sem mega skrifa undir skjöl fyrir hönd eiganda.
Annað sem talið er skipta mál með tilliti til skráningar réttinda.
Þeir sem eru ekki með rafræn skilríki geta fengið veðbókavottorð hjá sýslumönnum.
Hver sem er getur fengið veðbókarvottorð fyrir hvaða eign sem er. Einnig er hægt að fá ljósrit einstakra þinglýstra skjala hjá sýslumönnum.
Þegar óskað er eftir veðbókarvottorði þarf viðkomandi að vita heiti og fastanúmer eignar, skipaskrárnúmer eða skráningarnúmer ökutækis eftir því sem við á.
Þjónustuaðili
Sýslumenn