Almenn ökuréttindi þarf að endurnýja við 70 ára aldur. Eftir 70.ára aldur þarf að endunýja ökuskírteini reglulega, þar sem gildistími ökuskírteina er styttri.
Útvega öll fylgigögn sem þarf að fylgja með umsókninni
Skila öllum gögnunum til skrifstofu sýslumanns
Sýslumaður kannar hvort skilyrði til endurnýjunar ökuskírteinis eru fyrir hendi.
Gildistími ökuskírteina fyrir 65 ára og eldri:
Aldur
Gildistími
65. ára til 70. ára
5. ár
70. ára
4. ár
71.árs
3. ár
72. ára til 79. ára
2. ár
80. ára eða eldri
1. ár
Ef meira en 2 ár líða frá því að ökuréttindi renna úr gildi, þarf viðkomandi að taka próf í aksturshæfni áður en réttindin fást endurnýjuð.
Kostnaður
Endurnýjun ökuskírteinis fyrir 65 ára og eldri kostar 1.800 krónur.
Upplýsingar fyrir eldri ökumenn
Viðbragðstími lengri og hreyfingar hægari
Erfiðara að skynja hraða og fjarlægð
Sjón og heyrn skerðist
Hreyfigeta minnkar og stirðleiki eykst
Erfiðara að muna, sérstaklega nýleg atriði
Inntaka lyfja sem eru merkt með rauðum þríhyrningi
Veldu þér tíma til að aka. Forðastu að aka á álagstíma, í ljósaskiptum eða myrkri, hálku eða slæmu veðri.
Veldu öruggar leiðir sem þú þekkir. Forðastu til dæmis erfið og snúin gatnamót.
Veldu bíl sem hentar þér og þínum aðstæðum, með góðu útsýni til allra átta, sem auðvelt er að stíga inn í og út úr, stilla sæti og spegla, jafnvel með sjálfsskiptingu.
Kannaðu þær velferðarlausnir sem í boði eru til dæmis hjá Öryggismiðstöðinni (snúningssæti, handgang á stýri, bakstuðning, auka spegla og fleira.).
Láttu ekki aðra í umferðinni trufla eða þvinga þig til að taka óþarfa áhættur eða aka hraðar en þú treystir þér til.
Ef þú tekur inn lyf sem er merkt með rauðum þríhyrningi skaltu ráðfæra þig við lækni um það hvort þér sé óhætt að aka.
Aldrei aka eftir neyslu áfengis eða annarra vímugjafa.
Ekki nota farsíma eða önnur snjalltæki sem geta truflað athygli þína við akstur.
Haltu ökufærni þinni við, innanbæjar og utanbæjar.
Hafðu í huga að farþegar þínir noti bílbelti og að börn lægri en 135 cm á hæð séu í viðeigandi bílstól í bílnum hjá þér.
Taktu nokkra ökutíma hjá ökukennara ef þú finnur fyrir óöryggi í umferðinni. Ökukennarafélag Íslands getur leiðbeint þér með val á ökukennara, s. 898-0360
Sæktu upprifjunarnámskeið um öryggi í akstri fyrir eldri ökumenn þegar það býðst.
Sýslumaður eða lögreglustjóri getur ákveðið að fara skuli fram próf í aksturshæfni. Það er athugun á öryggi í umferðinni þar sem prófdómari fer með umsækjanda í stutta ökuferð.
Prófdómari skilar niðurstöðu í formi umsagnar til sýslumanns um að ökuskírteinið skulu:
endurnýjað óbreytt
endurnýjað með einhverjum skilyrðum eða takmörkunum
endurnýjað eftir að umsækjandi stenst próf í aksturshæfni
ekki endurnýjað
Gefa má út ökuskírteini með styttri gildistíma og takmarka ökuréttindi við ökutæki af sérstakri gerð eða með sérstökum búnaði.
Sem dæmi er hægt að taka próf á sjálfskipta eða beinskipta bifreið.
Próf sem er tekið á sjálfskipta bifreið takmarka ökuréttindin við sjálfskipta bifreið.
Hægt er að taka próf á beinskipta bifreið síðar, ef þess er óskað.
Takmörkun kemur þá fram á ökuskírteini með sérstakri tákntölu.
Ef aðrir hafa áhyggjur af hæfni þinni til að aka skaltu taka því alvarlega. Líttu á það sem vísbendingu um umhyggju fyrir þér og áhyggjur af velferð þinni.
Ræddu málið við nánustu aðstandendur eða vini, heilbrigðisstarfsfólk eða félagsþjónustu.
Kynntu þér fyrirkomulag akstursþjónustu eldri borgara í þínu sveitarfélagi.
Berðu saman kostnað við að reka bíl samanborið við að nýta almenningssamgöngur, akstursþjónustu sveitarfélaga eða leigubíl.
