Dvalarleyfi fyrir foreldra og börn sem sóttu um alþjóðlega vernd á Íslandi fyrir 1. ágúst 2021

Til að fá útgefið dvalarleyfi fyrir foreldra, sem hafa dvalið á Íslandi frá því fyrir 1. ágúst 2021 vegna umsóknar sinnar og barna sinna um alþjóðlega vernd, þarf umsækjandi að:

• hafa sótt um alþjóðlega vernd á Íslandi ásamt barni sínu yngra en 18 ára fyrir 1. ágúst 2021, eða

• hafa sótt um alþjóðlega vernd á Íslandi fyrir 1. ágúst 2021 og eignast barn hér á landi á meðan umsóknin var í vinnslu.

Önnur skilyrði sem umsækjendur þurfa að uppfylla eru eftirfarandi:

• vera enn stödd hér á landi,

• sæta ekki endurkomubanni,

• leggja inn umsókn um dvalarleyfi fyrir 5. júlí 2023,

• leggja fram staðfestingu á að hafa keypt sjúkratryggingu fyrir sig og börn sín

  • sem gildir í sex mánuði frá skráningu umsækjanda á Íslandi

  • að lágmarksupphæð 2.000.000 kr.

  • frá tryggingafélagi sem hefur starfsleyfi á Íslandi

• eiga ekki ólokin mál í refsivörslukerfinu þar sem hann er grunaður eða sakaður um refsiverða háttsemi og

• afplána hvorki né bíða afplánunar fangelsisrefsingar.

Útlendingastofnun aflar gagna frá embætti ríkissaksóknara og lögreglu til staðfestingar á því að síðustu tvö skilyrðin séu uppfyllt.