Byggðakvóti

Aðeins afli sem uppfyllir öll skilyrði telst mótframlag til byggðakvóta.

Skilyrði fyrir mótframlagi

Eftirfarandi afli telst til mótframlags byggðakvóta:

• Afli sem landað er til vinnslu innan hlutaðeigandi byggðarlaga á yfirstandandi fiskveiðiári.

• Afli sem haldið er aðskildum frá öðrum afla og er:

  • vigtaður og sérstaklega og skráður við vigtun á hafnarvog sem „byggðakvóti til vinnslu“.

• Afli sem hefur ekki áður verið metinn til byggðakvóta.

• Afli úr öllum fisktegundum sem tilgreindar eru í meðfylgjandi töflu.

Afli sem boðinn er upp á fiskmarkaði telur ekki til byggðakvóta nema sérreglur heimili það.

Hvaða vinnsla telst mótframlag?

Eftirfarandi vinnsla telst mótframlag til byggðakvóta:

• flökun

• flatning

• frysting

• söltun

• hersla

Söltun grásleppuhrogna telst einnig til vinnslu í skilningi reglna um byggðakvóta.

Úthlutun mótframlags

Við úthlutun mótframlags til byggðakvóta ber Fiskistofa saman eftirfarandi gögn:

• Vigtarnótur

• Vigtar- og ráðstöfunarskýrslur (VOR-skýrslur)

• Gögn frá fiskmörkuðum

Afli telst ekki mótframlag

Eftirfarandi atriði koma í veg fyrir að afli teljist sem mótframlag til byggðakvóta:

• ef fram kemur í VOR-skýrslum að afli skráður sem byggðakvóti til vinnslu uppfyllir ekki skilyrði um vinnslu
  (þ.e. flökun, flatningu, frystingu, söltun eða herslu).

• ef afli er skráður á vigtarnótu sem byggðakvóti til vinnslu en var boðinn upp á fiskmarkaði.