Afskráning ökutækis

Afskráning ökutækis á við þegar ökutæki er ónýtt, hefur verið fargað, er týnt eða hefur verið flutt varanlega úr landi.

Afskráning og skráning úr umferð er ekki það sama. Afskráning felur í sér að ökutæki er tekið af ökutækjaskrá en skráning úr umferð er tímabundin. Ef ökutæki er skráð úr umferð er hægt að skrá það aftur í umferð síðar.

Endurskráning á afskráðu ökutæki

Í einstaka tilfellum er hægt að endurskrá ökutæki sem hefur verið afskráð. Ekki er þó heimilt að endurskrá ökutæki sem hefur verið skilað til endurvinnslu (afskráð vegna úrvinnslu).

Skilyrði fyrir endurskráningu

Til að endurskrá ökutæki þarf það að standast endurskráningarskoðun á skoðunarstöð.
Skoðunin staðfestir að ökutækið uppfylli kröfur til að komast aftur á skrá.

Ferlið

• Fylla út umsókn um endurskráningu á afskráðu ökutæki.

• Fara með ökutækið í endurskráningarskoðun á skoðunarstöð.

• Þegar ökutækið hefur staðist skoðun er það endurskráð.

Gott að hafa í huga

• Ef nýr eigandi tekur við ökutækinu þarf að ganga frá eigendaskiptum áður en það er endurskráð.

• Ekki er hægt að framkvæma eigendaskipti á ökutæki sem hefur verið afskráð týnt eða til úrvinnslu.

• Tilgreina þarf tryggingafélag við endurskráningu.