Skilavottorð - Umsókn um endurgreiðslu á skilagjaldi ökutækja

Eigandi ökutækis greiðir skilagjald af því. Gjaldið er innheimt með bifreiðagjöldum.

Þessi skylda hvílir á eigendum allra ökutækja, einnig þeirra sem eru undanþegin bifreiðagjöldum samkvæmt 4. gr. laga um bifreiðagjöld.

Gjaldskylda fellur niður frá og með upphafi fyrsta gjaldtímabils eftir að greitt hefur verið skilagjald af ökutækinu í full 15 ár og fyrir bifreiðir sem eru eldri en 25 ára í upphafi gjaldárs.

Þegar ökutæki er afskráð og skilað til úrvinnslu er greitt út skilagjald, nú 30.000 kr.

Fjársýslan annast greiðsluna fyrir hönd Úrvinnslusjóðs, ef bankareikningur viðtakanda skilagjaldsins er rétt skráður þar ætti skilagjaldið að greiðast út sjálfkrafa innan tveggja daga.

Forsenda þess að skilagjald fáist fyrir bílinn er að honum sé skilað á þar til bæra móttökustöð og afskráður til úrvinnslu. Aflétta þarf veðböndum og standa skil á tryggingaiðgjöldum áður en bílnum er skilað. Ef um rafbíl eða tvíorkubíl (plugin hybrid) er að ræða þarf að hafa samband við umboðsaðila ökutækisins. Þar fást upplýsingar um hvernig skuli farið með rafhlöðu viðkomandi tegundar af ökutæki.

Til þess að fá skilagjaldið greitt þarf að fara í gegn um eftirfarandi þrep:

ATHUGIÐ að ef viðtakandi greiðslu er með ógreiddar skattkröfur eða ógreidd gjöld fylgja ökutækinu, s.s. bifreiðagjöld, er skilagjaldinu skuldajafnað við þessar kröfur. Tilkynning um skuldajöfnun berst í pósthólfið þitt á island.is. Ef þú átt von á greiðslu sem skilar sér ekki, veita innheimtumenn ríkissjóðs allar upplýsingar um skuldastöðu.

Finndu móttökustöð nálægt þér

Þegar þú hefur valið ökutæki til förgunar getur þú farið með hann á einhverja af eftirtöldum móttökustöðvum.

Ef þú ert staddur/stödd fyrir utan þau svæði sem eru skráð hér, þarftu að hafa samband við viðkomandi sveitarfélag um hvernig standa skuli að förgun.