Hafir þú fengið endurkomubann í kjölfar brottvísunar hefur þú ekki heimild til að snúa aftur til Íslands, annað hvort innan tiltekins tíma, eða varanlega. Almennt er endurkomubann gefið út til tveggja ára.

Ákvörðun um brottvísun og endurkomubann ríkisborgara utan EES eða EFTA eru alla jafna skráð í Schengen-upplýsingakerfið. Því gildir endurkomubannið einnig á landsvæði allra Schengen-ríkjanna, nema þú hafir sérstaka heimild fyrir komu inn í einstakt ríki.

Athugaðu að ef þú hefur fengið brottvísun og endurkomubann í kjölfar synjunar á umsókn um alþjóðlega vernd fellur endurkomubannið niður ef þú yfirgefur landið með sjálfviljugum hætti innan tiltekins tímafrests sem er tilgreindur í ákvörðun þinni.

Nánar um brottvísun og endurkomubann til Íslands.