Fasteignamat er reiknað á marga mismunandi vegu eftir tegundum fasteigna. Meginreglan er sú að fasteignamat hverrar fasteignar á hverju ári er metið út frá kaupverði sambærilegra fasteigna á sömu markaðssvæðum á síðasta ári, að teknu tilliti til stærðar, aldurs og ástands eignarinnar.
Tegundir fasteigna sem ganga ekki kaupum og sölu á virkum markaði eru metnar með öðrum leiðum, en fasteignamat slíkra eigna miðar einnig að því að meta hugsanlegt söluverð þeirra út frá stærð, staðsetningu, aldri og ástandi.