Aðstoð til greiðslu kostnaðar vegna gjaldþrotaskipta
Á þessari síðu
Niðurstaða umsóknar
Þegar umsókn er samþykkt
Umsækjandi sækir gögn til umboðsmanns skuldara og fer með þau í héraðsdóm í því umdæmi sem lögheimili hans er.
Umboðsmaður skuldara greiðir skiptatryggingu, 280.000 krónur, til héraðsdóms ef skilyrði fyrir gjaldþrotaskiptum teljast uppfyllt.
Umsækjandi er boðaður í héraðsdóm þegar mál hans er tekið fyrir. Mikilvægt er að hann mæti. Annars verður litið svo á að hann sé hættur við kröfu um gjaldþrotaskipti.
Kveðinn er upp úrskurður um gjaldþrotaskiptin og skipaður skiptastjóri.
Yfirlýsingu um veitta fjárhagsaðstoð skal afhenda héraðsdómi innan þriggja mánaða frá samþykkt umsóknar, annars fellur fjárhagsaðstoðin niður.
Annar kostnaður
20.000 krónur dómsmálagjald sem einstaklingur í gjaldþrotaskiptum greiðir sjálfur.
Þegar umsókn er hafnað
Ef umsókn er hafnað er hægt að fá:
leiðbeiningar um önnur greiðsluvandaúrræði
yfirlit yfir fjárhagsstöðu
Ef umboðsmaður skuldara synjar umsókn er sú ákvörðun kæranleg til úrskurðarnefndar velferðarmála innan tveggja vikna frá því að viðkomandi móttók ákvörðun um höfnun umsóknar.
Ýmsar ástæður geta verið fyrir því að umsókn um fjárhagsaðstoð vegna gjaldþrotaskipta er synjað.
Tilbaka: Umsóknarferlið
Aftur á upphafssíðu: Aðstoð til greiðslu kostnaðar vegna gjaldþrotaskipta
Þjónustuaðili
Umboðsmaður skuldara