Að eignast skotvopn

Eigandi skal geyma á öruggan hátt, þannig að óviðkomandi hafi ekki aðgang að:

• skotvopni og skotfærum

• íhlutum skotvopna, eins og hljóðdeyfa

• varanlega óvirkum skotvopnum

• eftirlíkingum skotvopna

Ábyrgð eiganda

Varsla skotvopna er á ábyrgð eiganda þeirra og mikilvægt að skotvopn séu alltaf tryggilega geymd.

Aðrir en eigendur vopnanna skulu ekki að hafa aðgang að lyklum eða vita aðgangsorð að læsingum skápanna.

Húsnæði

Skotvopnaeigendur skulu geyma skotvopn sín á lögheimili sínu, nema lögregla heimili annað.

Húsnæði, sem geymir skotvopn, skal ávallt vera læst þegar íbúar eru fjarverandi. Við lengri fjarveru skal að auki gera skotvopn óvirk, til dæmis með því að fjarlægja nauðsynlega hluta aðra en láshús.

Geymsla skotvopna utan lögheimilis

Lögregla getur veitt undantekningu á geymslu skotvopna annarsstaðar en á lögheimili.

Hafðu samband við lögregluna í þínu umdæmi.

Byssuskápar

Skotvopnaskápar verða að vera viðurkenndir vopnaskápar og uppfylla gildandi viðmiðunarreglur

Mikilvægt er að skáparnir séu öruggir og læsing þeirra trygg.

Lykla skal geyma þannig að ekki sé hætta á að óviðkomandi komist yfir þá. Ef um talnalæsingar er að ræða skal gæta þess að aðgangsnúmer sé ekki auðgiskanlegt (t.d. 1234).

Skotfæri

Skotfæri skulu ávallt geymd í læstri geymslu.

Séu skotfæri geymd í skotvopnaskáp þurfa þau að vera í aðskildu, læstu hólfi.

Samnýting skápa

Eigendur skotvopna á sama lögheimili með mismunandi skotvopnaleyfi mega nota sama byssuskáp til vörslu skotvopna.