Tilkynna lán á skotvopni

Almennt

Eigandi skotvopns þarf að tilkynna lögreglu láni hann öðrum skotvopn sitt.

Lántaki þarf að hafa lánstilkynningu á sér við notkun skotvopns.

• Langtímalán eru lengri en 4 vikur og geta verið ótímabundin.

• Skammtímalán eru skemur en 4 vikur.

Upplýsingar sem þurfa að fylgja

Á lánstilkynningu þarf að koma fram:

• nafn og kennitala eiganda og lántaka

• landsnúmer skotvopns

• dagsetningar láns ef skemur en 4 vikur

Þegar tilkynning er móttekin

Þegar lögregla hefur staðfest mótttöku fær lántaki tilkynningu á Mínum síðum á Ísland.is.

Skotvopnið birtist á skotvopnaskírteini lántaka og eiganda.

Gildistími

Lánsheimild heldur gildi sínu þar til annar aðilinn tilkynnir lögreglu um niðurfellingu lánsheimildar.

Það má gera hjá lögreglu í heimabyggð eða í netfangið leyfi@lrh.is.

Skammtímalán

Skammtímalán má gera á pappír. Undirskrift beggja aðila er þörf auk 2 votta.

Tilkynning þarf að vera í 2 eintökum:

• Lántaki þarf að hafa tilkynningu á sér við notkun skotvopns.

• Afrit af tilkynningu þarf að vera í skotvopnaskáp eiganda.