Stofna meðmælasöfnun vegna framboðs til Alþingis 2024

Framboð sem hafa fengið úthlutuðum listabókstaf frá dómsmálaráðuneytinu geta stofnað rafræna meðmælasöfnun fyrir framboð sín í öllum kjördæmum.

• Þeir einstaklingar sem hafa prókúru geta skráð sig inn á Ísland.is í umboði framboðsins og stofnað meðmælasöfnun.

• Hægt er að velja umsjónaraðila inni í kerfinu sem hefur aðgang að söfnunum í öllum kjördæmum og getur slegið inn kennitölur meðmælenda af blaði.

• Þegar meðmælasöfnun hefur verið stofnuð geta einstaklingar skráð sig inn með rafrænum skilríkjum og mælt með framboði.

• Í kerfinu verður til hlekkur sem hægt er að afrita og deila og auðvelda þannig fólki að mæla með tilteknum framboðum.

• Þegar framboð skila inn tilkynningu um framboð til landskjörstjórnar skal þess getið að meðmælum hafi verið safnað rafrænt. Hægt er að nálgast skýrslu um stöðu söfnunar inni í kerfinu.

• Óheimilt er að afrita, miðla eða nýta upplýsingar um meðmælendur í nokkrum öðrum tilgangi en að safna þeim til þess að skila inn framboði.

Landskjörstjórn ber ábyrgð á vinnslu persónuupplýsinga sem unnið er með í þeim tilgangi að auðkenna frambjóðendur og meðmælendur. Hér má nálgast persónuverndarstefnu landskjörstjórnar.

Frestur til að stofna meðmælasöfnun er runninn út

Listabókstafir sem úthlutað hefur verið eru:

• B-listi (Framsóknarflokkur)

• C-listi (Viðreisn)

• D-listi (Sjálfstæðisflokkur)

• F-listi (Flokkur fólksins)

• J-listi (Sósíalistaflokkur Íslands)

• L-listi (Lýðræðisflokkurinn - samtök um sjálfsákvörðunarrétt)

• M-listi (Miðflokkurinn)

• O-listi (Frjálslyndi lýðræðisflokkurinn)

• P-listi (Píratar)

• S-listi (Samfylkingin – jafnaðarmannaflokkur Íslands)

• V-listi (Vinstrihreyfingin – grænt framboð)

• Y-listi (Ábyrg framtíð)

Ef þú ferð fyrir stjórnmálasamtökum sem hyggjast bjóða fram til Alþingis og er ekki á listanum er fyrsta skrefið að fá úthlutuðum listabókstaf hjá dómsmálaráðuneytinu.