Mæla með framboðum til Alþingis 2024

Fólk með kosningarétt getur mælt með þeim framboðum sem hyggjast bjóða fram til Alþingis, en söfnun meðmæla er eitt skilyrða fyrir stjórnmálasamtök að geta boðið fram.

• Meðmæli eru yfirlýsing um stuðning við tiltekin stjórnmálasamtök í ákveðnu kjördæmi.

• Aðeins er hægt að mæla með einum stjórnmálasamtökum.

• Hægt er að afturkalla meðmæli þangað til söfnun lokar og mæla með öðru framboði.

• Einungis þau sem hafa kosningarétt geta verið meðmælendur.

• Lögheimili meðmælanda ræður því í hvaða kjördæmi hann getur mælt með stjórnmálasamtökum.

• Unnið er með persónuupplýsingar meðmælanda. Um þá vinnslu og meðferð upplýsinganna fer eftir persónuverndarstefnu landskjörstjórnar sem finna má hér.