Fara beint í efnið
Ísland.isUmhverfismál

Skotvopnaleyfi

Þeir sem hyggjast stunda almennar skotveiðar hér á landi þurfa að vera handhafar skotvopnaleyfis og veiðikorts.

Til þess að öðlast þau réttindi er farið á tvö námskeið, skotvopnanámskeið og veiðikortanámskeið.

Umhverfisstofnun hefur umsjón með skotvopna- og veiðikortanámskeiðum um allt land.

Skotvopnanámskeið

Skotvopnanámskeið Umhverfisstofnunar eru ætluð þeim sem vilja sækja um skotvopnaleyfi hjá lögreglunni. Ef námskeiðinu er lokið með fullnægjandi árangri getur námskeiðsfari sótt um A-skotvopnaleyfi að því loknu. Á skotvopnanámskeiðinu er fjallað um lög og reglugerðir sem varða skotvopn, landrétt og veiðirétt, vopn og skotfæri, meðferð skotvopna, öryggismál og fleira.

Fyrirkomulag

Skotvopnanámskeiðin standa að jafnaði yfir 3 daga. Bókleg kennsla fer fram fyrstu tvo dagana og fer bóklegi hluti námskeiðsins að jafnaði fram á tveimur kvöldum (2x4 tímar). Síðara kvöldið endar á skriflegu prófi. Svara þarf minnst 75% réttu á prófinu. Oftast er bóklegur hluti skotvopnanámskeiðsins haldin á fimmtudags- og föstudagskvöldum (kl. 18.00-22.00) nema annað sé tekið fram.

Þriðja daginn sækja nemendur verklega þjálfun á skotsvæði þar sem þeir fá undirstöðuþjálfun í meðferð skotvopna. 

Veiðikortanámskeið

Veiðikortanámskeiðið er dagsnámskeið á vegum Umhverfisstofnunar og tekur um sex klukkustundir. Það er að jafnaði kennt síðdegis. Þar er fjallað um lög, reglur og öryggi, náttúru- og dýravernd, veiðisiðfræði og fleira. Próf er tekið að loknum fyrirlestri á námskeiðinu. Fullnægjandi árangur á prófinu er 75% rétt svör.

Námskeiðsgjöld

  • Fyrir veiðikortanámskeið: 14.900 kr

  • Fyrir skotvopnanámskeið: 27.000 kr

  • Fyrir bæði námskeiðin:         41.900 kr

Lög og reglugerðir