Sérþarfalán eru veitt fötluðu fólki með hreyfihömlun sem þarf að gera breytingar á húsnæði eða kaupa dýrara húsnæði vegna sérþarfa. Forsjáraðilar geta líka sótt um vegna sérþarfa fatlaðs barns.
Fasteignamat verður að vera lægra en 73 milljónir.
Upphæð láns getur að hámarki verið 14,378 milljónir til viðbótar við grunnlán.
Hægt er að taka sérþarfalán við viðbótar láni hjá HMS eða annarri lánastofnun.
Það er ekki hægt að yfirtaka sérþarfalán heldur þarf að greiða lánið upp þegar íbúð er seld. Í sérstökum tilfellum er hægt að færa lánið með sér á aðra íbúð.
Þjónustuaðili
Húsnæðis- og mannvirkjastofnun