Sækja um leyfi fyrir öryggisþjónustu í atvinnuskyni

Almennt

Ríkislögreglustjóri veitir leyfi til reksturs öryggisþjónustu. Öryggisþjónusta getur falist í:

• eftirliti með lokuðum svæðum eða svæðum opnum almenningi, annað hvort með eftirlitsferðum vaktmanna eða myndavélum,

• flutningi verðmæta,

• að taka við og sinna boðum frá einstaklingum um aðstoð,

• að taka við og sinna boðum frá viðvörunarkerfum vegna eldsvoða, vatnsleka eða innbrots,

• vernd einstaklinga með lífvörðum,

• annarri hliðstæðri öryggisþjónustu samkvæmt ákvörðun ríkislögreglustjóra.

Skilyrði fyrir leyfi

Einstaklingur eða skráð félag geta fengið útgefið leyfi til þess að annast öryggisþjónustu.

Sækja um

Svona er ferlið:

Umsóknin

Umsóknin þarf að vera skrifleg. Í henni þarf að koma fram:

• Nafn umsækjanda og kennitala.

Þegar einstaklingur sækir um þarf líka að taka fram: lögheimili og starfstöð.

Þegar fyrirtæki eða félög sækja um þarf líka að taka fram: nafn og kennitölu framkvæmdastjóra, nöfn og kennitölur þeirra sem eru í stjórn félagsins og hvar félagið er með starfstöð.

• Hvaða öryggisþjónustu umsækjandi hyggst sinna og ítarleg greinargerð um framkvæmd hennar,

• Yfirlýsing um að umsækjandi fullnægi skilyrðum til að fá leyfið.

Fylgigögn

Svo að ljóst sé að umsækjandi fullnægi skilyrðum til að fá leyfið þarf að senda þessi gögn með umsókninni:

Sakavottorð

Einstaklingar senda inn sakavottorð.

Skráð félög senda inn sakavottorð framkvæmdastjóra og þeirra sem eiga sæti í stjórn félagsins. Ef nýr framkvæmdastjóri er ráðinn eða breyting verður á stjórn félags þarf að senda ríkislögreglustjóra tilkynningu um það innan 14 daga auk annarra nauðsynlegra gagna með umsókn.

Umsókn um sakavottorð til einstaklinga

Búsforræðisvottorð

Þetta er vottorð um að hafa ekki orðið gjaldþrota.

Umsókn um búsforræðisvottorð

Staðfesting á lögheimili

Umsókn um staðfestingu á lögheimili

Önnur gögn sem þykja nauðsynleg til að mat verði lagt á umsóknina.

Gildistími

Leyfið gildir í 5 ár.

Í leyfi er tilgreint hvaða starfsemi leyfið nær til.

Endurnýjun

Sömu reglur gilda um umsóknir um endurnýjun leyfisins.

Lög og reglugerðir

• Lög um öryggisþjónustu númer 58 frá árinu 1997.

• Reglugerð um öryggisþjónustu númer 340 frá árinu 1997.