Gísli Davíð Karlsson f.h. Vinnumálastofnunar og íris Róbertsdóttir, bæjarstjóri Vestmannaeyja undirrituðu í gær samning um þjónustu við umsækjendur um alþjóðlega vernd.

Með samningnum mun Vestmannaeyjar þjónusta allt að 30 umsækjendur fyrir hönd Vinnumálastofnunar. Fyrstu umsækjendur um alþjóðlega vernd fluttu til Vestmannaeyja í febrúar. Samningurinn gildir út árið 2023.

Þá hefur einnig verið undirritaður samningur um samræmda móttöku flóttaafólks milli Vestmannaeyja, félags- og vinnumarkaðsráðuneytisins og Fjölmenningarseturs sem tryggir áframhaldandi þjónustu við umsækjendur um alþjóðlega vernd.

Samræmd móttaka flóttafólks nær til fólks sem fengið hefur alþjóðlega vernd eða dvalarleyfi á grundvelli mannúðarsjónarmiða hér á landi.