Nýr fagstjóri rannsókna
28. maí 2024
Guðný Björk Þorvaldsdóttir ráðin í starf fagstjóra rannsókna á Samskiptamiðstöð heyrnarlausra og heyrnarskertra
![](https://images.ctfassets.net/8k0h54kbe6bj/xLjrtEYZUy2rRznT1wZld/2f88127c4b2d71a734e1b96d114b26ef/Mynd_GB_.jpg?w=50&fm=webp&q=80)
![Guðný Björk Þorvaldsdóttir](https://images.ctfassets.net/8k0h54kbe6bj/xLjrtEYZUy2rRznT1wZld/2f88127c4b2d71a734e1b96d114b26ef/Mynd_GB_.jpg?w=774&fm=webp&q=80)
Guðný Björk Þorvaldsdóttir hefur verið ráðin í starf fagstjóra rannsókna á SHH en fagstjóri rannsókna ber faglega ábyrgð á uppbyggingu, skipulagi og þróun rannsóknastarfs á vegum stofnunarinnar.
Guðný Björk er með B.A. gráðu í táknmálsfræði- og táknmálstúlkun frá Háskóla Íslands. Þá hefur hún lokið tveimur meistaragráðum, annars vegar M.A. í rannsóknum frá Institute of Technology Blanchardstown og hins vegar M.Phil gráða í málvísindum frá Trinity háskólanum í Dublin með áherslu á rannsóknir á íslensku táknmáli og írsku táknmáli. Guðný Björk hefur kennt námskeið í málvísindum og táknmálsfræðum á háskólastigi bæði hérlendis og erlendis. Guðný Björk hefur reynslu af vinnu við málheild írsks táknmáls auk þess sem hún hefur áralanga reynslu af störfum með táknmálsbörnum.