Verkefnið „ÍTM söguskjóða“ snýst um að þróa aðferðir til sögulesturs og samskipta á ÍTM í gegnum söguskjóðu. Útbúinn verður poki með hlutum sem tilheyra ákveðinni sögu og táknabók þar sem lykiltákn sögunnar eru sett fram á myndrænan hátt sem er aðlaðandi fyrir börnin. Einnig verður sagan tekin upp á ÍTM og búnar til leiðbeiningar um notkun námsefnisins, bæði á íslensku og ÍTM. Sögulestur á táknmáli er mjög mikilvægur fyrir málþroska barna, hljóðkerfisvitund á táknmáli, eykur táknforða þeirra og styður þannig við læsi. Ákveðið var að velja ævintýrið Gullbrá og birnirnir þrír sem efnivið söguskjóðunnar.

Hér má sjá frétt frá stjórnarráðinu um úthlutun styrksins: Stjórnarráðið | Úthlutun úr Sprotasjóði 2025