Nú þegar jólin nálgast og árið 2024 er að renna sitt skeið á enda viljum við nýta tækifærið til að líta um öxl og þakka fyrir ómetanlegan stuðning og samstarf á árinu sem er að líða.

Árið hefur verið viðburðaríkt og krefjandi en jafnframt lærdómsríkt og gefandi. Með samstilltu átaki höfum við tekist á við fjölbreytt verkefni, innleitt nýjungar og bætt þjónustu við skjólstæðinga. Ykkar óeigingjarna framlag, bæði starfsfólks og velunnara, gerir sjúkrahúsið að því sem það er: staður þar sem fagmennska, umhyggja og samkennd eru í fyrirrúmi.

Jólahátíðin minnir okkur á mikilvægi samveru, kærleika og þess að hlúa að hvort öðru. Við hvetjum öll til að njóta þessa tíma með sínum nánustu og gefa sér svigrúm til að hlaða batteríin fyrir komandi verkefni.

Við sendum ykkur okkar bestu óskir um gleðileg jól og farsælt nýtt ár. Megi friður, gleði og heilsa fylgja ykkur og fjölskyldum ykkar á nýju ári.

Með kærum jólakveðjum,
framkvæmdastjórn Sjúkrahússins á Akureyri