Elma Rún, sérfræðingur í barnahjúkrun, hefur helgað starfskrafta sína bráðveikum börnum. Hún hefur unnið um árabil á barnadeild SAk auk þess að taka þátt í kennslu við mennta- og vísindadeild. Elma er aðjunkt við Háskólann á Akureyri og beitir sér af krafti fyrir bættum aðbúnaði barna á sjúkrahúsum og auknum gæðum barnahjúkrunar með kennslu og rannsóknum. Elma Rún hefur verið leiðandi í þróun og kennslu endurlífgunar barna og hefur tekið virkan þátt í innleiðingu námskeiða í sérhæfðri endurlífgun barna og nýbura. Elma Rún situr í stjórn Endurlífgunarráðs Íslands og endurlífgunarráði SAk.