Gagnleg erindi á degi hjúkrunar
15. maí 2024
Fjöldi fylgdist með á staðnum og í streymi.
![](https://images.ctfassets.net/8k0h54kbe6bj/1HQpFaoa26u7dW9ijXOTSG/95afcb917b0038e7fdc2d2ad761a770d/Dagur_hj_krunar-square.png?w=50&fm=webp&q=80)
![Dagur hjúkrunar 2024](https://images.ctfassets.net/8k0h54kbe6bj/1HQpFaoa26u7dW9ijXOTSG/95afcb917b0038e7fdc2d2ad761a770d/Dagur_hj_krunar-square.png?w=774&fm=webp&q=80)
Mennta- og vísindadeild Sjúkrahússins á Akureyri stóð fyrir metnaðarfullri dagskrá í tilefni af degi hjúkrunar í síðustu viku. Yfirskriftin var Við gerum svo miklu, miklu meira og vísaði þar með í þau fjölmörgu sérverkefni sem hjúkrunarfræðingar á deildum sinna meðfram sínu klíníska starfi.
„Við erum svakalega ánægð með daginn og flottu fyrirlesarana sem við fengum í lið með okkur. Það er ómetanlegt að fá innsýn inn í fjölbreytt störf hjúkrunarfræðinga og geta þannig lært hvert af öðru,“ sagði Hrafnhildur Lilja Jónsdóttir, sérfræðingur í hjúkrun og fræðslustjóri á mennta- og vísindadeildar.
Um 50 manns mættu á málþingið sem var einnig streymt á Teams. Að dagskrá lokinni var boðið upp á kaffi og léttar veitingar í húsnæði mennta- og vísindadeildar og gátu gestir skoðað nýja kennslurýmið á tengiganginum á 3. hæð SAk.