Hvaða áhrif gæti aðild Íslands að Evrópusambandinu haft á íslenskt nýsköpunarumhverfi? Hvaða tækifæri gætu skapast fyrir íslensk nýsköpunarfyrirtæki og fjárfesta – og hvaða áskoranir gætu fylgt?

Nýsköpunarsjóðurinn Kría, KLAK – Icelandic Startups, Rannís og Framvís standa að viðburðinum Sprotaumhverfið og Evrópa: Tækifæri og áskoranir sem fram fer í stóra salnum í Grósku mánudaginn 17. ágúst kl. 16:00–18:00.

Markmið viðburðarins er að ræða með yfirveguðum hætti hvaða áhrif möguleg aðild Íslands að Evrópusambandinu gæti haft á íslenskt sprota- og nýsköpunarumhverfi. Meðal þess sem verður til umræðu eru tækifæri tengd fjármögnun og styrkjum, aðgengi íslenskra fyrirtækja að mörkuðum og samstarfi í Evrópu, regluverk og þær áskoranir sem breytingar á umhverfi íslenskra sprota- og nýsköpunarfyrirtækja gætu haft í för með sér.

Til að varpa ljósi á málið frá ólíkum sjónarhornum koma saman sérfræðingar, frumkvöðlar og fjárfestar með fjölbreytta reynslu úr nýsköpunarumhverfinu.

Fram koma:

• Hrönn Greipsdóttir, framkvæmdastjóri Nýsköpunarsjóðsins Kríu

• Ágúst Ingþórsson, forstöðumaður Rannís

• Hallgrímur Oddsson, stofnandi og framkvæmdastjóri Evrópustrauma

• Ásthildur Otharsdóttir, meðeigandi hjá Frumtaki

• Jökull Sólberg Auðunsson, meðstofnandi TripToJapan.com

• Þorbjörg Helga Vigfúsdóttir, framkvæmdastjóri Kara Connect

• Hjálmar Gíslason, stofnandi og framkvæmdastjóri GRID

Gestir fá jafnframt tækifæri til að beina spurningum til pallborðsins og taka þannig virkan þátt í umræðunni.

‍