Íslenska sjávarútvegs- og fiskeldissýningin og ráðstefnan (IceFish) sýningin fer fram í Fífunni í Kópavogi, dagana 22.–24. september 2026.

Sem hluti af sýningunni stendur Enterprise Europe Network fyrir sérstöku fyrirtækjastefnumóti (matchmaking) dagana 22.–23. september 2026 og er opið fyrir skráningar.

Skráning á fyrirtækjastefnumótið

Viðburðurinn byggir á svokölluðu „hraðstefnumóti“ fyrirtækja, þar sem þátttakendur eiga fyrirfram skipulagða einstaklingsfundi (1:1) með mögulegum samstarfsaðilum.

Þetta gefur tækifæri til að:

• Finna nýja birgja og viðskiptavini

• Kanna nýja alþjóðlega markaði

• Tengjast lykilákvörðunaraðilum

• Mynda samstarf

Viðburðurinn hentar meðal annars:

• Framleiðendum og vinnsluaðilum í sjávarútvegi

• Útgerðarfyrirtækjum

• Fyrirtækjum í fiskeldi

• Tæknifyrirtækjum og búnaðarframleiðendum

• Fjárfestum og sérfræðingum

Þátttakendur koma alls staðar að úr heiminum og því er fyrirtækjastefnumótið opið öllum.

Þátttaka er ókeypis.

Íslenska sjávarútvegs- og fiskeldissýningin og ráðstefnan (IceFish) er einn helsti alþjóðlegi vettvangur fagfólks í sjávarútvegi, fiskvinnslu og fiskeldi. Sýningin nær yfir alla virðiskeðjuna, frá veiðum og leit, til vinnslu, pökkunar og dreifingar og sameinar lykilaðila sem móta framtíð greinarinnar.