Rannís, Hugverkastofan, Íslandsstofa og Nýsköpunarsjóðurinn Kría bjóða til Nýsköpunarþings 2025 í Grósku 30. október kl. 14:00-15:30. Nýsköpunarverðlaun Íslands 2025 verða veitt á þinginu.

Hvað hefur Ísland fram að leggja í nýsköpun á alþjóðlegum markaði og hvernig geta óvæntar vendingar í alþjóðamálum haft áhrif á sókn íslenskra nýsköpunarfyrirtækja erlendis?

Skráning á Nýsköpunarþing

Íslensk nýsköpunarfyrirtæki mæta ýmsum hindrunum á vegferð sinni á erlendum mörkuðum. Að ná fótfestu á nýjum markaði getur reynst flóknara en áætlanir gera ráð fyrir og óvæntar vendingar í alþjóðamálum geta haft ófyrirsjáanlegar afleiðingar. Hvernig hefur þróun alþjóðamála áhrif á íslensk nýsköpunarfyrirtæki og framtíð þeirra og geta þau með einhverjum hætti varið sig eða jafnvel skapað ný tækifæri? Í þessu samhengi er nærtækt að horft til Bandaríkjanna og þeirra áhrifa sem hækkun innflutningstolla hefur á íslensk nýsköpunarfyrirtæki.

Í lok þingsins veitir Logi Einarsson, menningar-, nýsköpunar- og háskólaráðherra, Nýsköpunarverðlaun Íslands 2025.

Dagskrá*

• 14:00 – Setning Nýsköpunarþings

  • Daði Már Kristófersson, fjármála- og efnahagsráðherra

• 14:10 – Aðalfyrirlesari

  • Svanhildur Hólm, sendiherra Íslands í Bandaríkjunum.

• 14:40 - Einkaleyfisumsóknir íslenskra fyrirtækja 2004 - 2024:

  • Eiríkur Sigurðsson, samskiptasjóri Hugverkastofunnar

• 14:50 – Ísland í stóru myndinni (Pallborð)

  • Tanya Zarov, aðstoðarforstjóri Alvotech

  • Erla Skúladóttir, stjórnarformaður Lauf Cycles (Nýsköpunarfyrirtæki ársins 2021)

  • Sveinn Sölvason, forstjóri og framkvæmdastjóri Embla Medical

  • Lóa Fatou Einarsdóttir, framkvæmdastjóri rekstrarsviðs Good Good

• 15:20 - Afhending Nýsköpunarverðlauna Íslands

  • Daði Már Kristófersson, fjármála- og efnahagsráðherra

Fundarstjóri og stjórnandi pallborðs: Freyr Eyjólfsson

Að lokinni dagskrá verður boðið upp á léttar veitingar.

Skráning á Nýsköpunarþing

*Dagskrá er birt með fyrirvara um breytingar

Smelltu hér til að opna streymi í nýjum glugga