Hefur þú nýlega fengið styrk úr Horizon Europe eða öðru evrópsku samstarfsverkefni?   

Þann 29. október næstkomandi verða sérfræðingar Enterprise Europe Network og Rannís með námskeið fyrir þátttakendur í evrópskum rannsókna- og nýsköpunarverkefnum .

Á námskeiðinu er farið yfir helstu atriði sem þarf að hafa í huga þegar verkefni hefst og hvernig best er að standa að stjórnun þess frá upphafi til að tryggja farsæla framkvæmd þess. 

Umfjöllunarefni

• Samningur og helstu skyldur verkefnisaðila 

• Samstarfssamningur  

• Fjárhagsstjórnun og kostnaðarbókhald 

• Starfsmannakostnaður og tímaskráningar 

• Skýrslugjöf og eftirfylgni verkefna 

• Vinnupakkar, verkefnastjórnun og ábyrgð 

• Miðlun niðurstaðna og samskipti 

• Stuðningur og ráðgjöf frá Rannís á verkefnistímanum 

Námskeiðið er ætlað nýjum þátttakendum í evrópskum rannsókna- og nýsköpunarverkefnum. 

Námskeiðið er ókeypis, fer fram á íslensku og ensku ef þess er óskað. 

Athugið að það er takmarkaður fjöldi sem getur sótt námskeiðið, hámarksfjöldi er 20 manns.

Skrá mig á námskeið