Miðstöð stafrænnar nýsköpunar á Íslandi (EDIH) og Enterprise Europe Network á Íslandi standa fyrir "master class" námskeiði í samstarfi við Gate2Growth.

Fyrri dagurinn stendur frá kl. 10-16, en boðið er upp á einstaklingsráðgjöf seinni daginn. Athugið, það er takmarkað pláss í einstaklingsráðgjöfina og verður fundartímum úthlutað í þeirri röð sem fyrirspurnir berast.

Markmið námskeiðsins er að leiðbeina þátttakendum við að þróa öflugt viðskiptamódel, setja fram faglega viðskiptaáætlun og læra að velja réttar fjármögnunaraðferðir. Farið verður yfir hringrásar- og línuleg viðskiptamódel, áskoranir opinberra innkaupa og hvernig fyrirtæki geti sameinað einkafjárfestingu og opinbera styrki.

Sérstök áhersla er lögð á:

• Hvernig á að laða að fjárfesta

• Fjárhagsáætlanir og lausafjárgreiningu

• Helstu ESB-styrki

• Hvers vegna og hvenær á að taka þátt í alþjóðlegum samstarfsverkefnum

Drög að dagskrá

Þriðjudagur, 2. desember

• 09.30 Húsið opnar

• 10.00-12.30 Fjármögnunarlandslagið og hringrásar/línuleg viðskiptamódel, viðskiptaáætlun

• 12.30-13.00 Hádegismatur

• 13.00-15.30 Að laða að fjárfesta með sterku viðskiptamódeli, opinberir styrkir / ESB-styrkir, böl eða blessun

Miðvikudagur, 3. desember

• 09.30 Húsið opnar

• Einstaklingsráðgjöf, sér skráning og hér gildir fyrstur kemur fyrstur fær.

Leiðbeinandi Uffe Bundgaard-Joergensen, hagfræðingur og forstjóri Gate2Growth er sérfræðingur í fjármögnun nýsköpunarfyrirtækja í Evrópu. Hann er með víðtæka reynslu af stjórnun, rannsóknum, orkumálum, alþjóðlegri ráðgjöf og fjárfestingum.

Námskeiðið fer fram á ensku.

Námsskeiðsgjald: 4.990 kr. Innifalið: Hádegismatur, hressing og öll gögn, þar með talið: EU-verkefnaskýrslan Circular & Linear Business Cases and Public Procurement Challenges. Aðgangur að G2G Business Plan Writer og fjárhagsáætlunarmódúl í 3 mánuði.

Vinsamlegast sendið stutta lýsingu á verkefninu ykkar á ensku við skráningu:

Skráning á - Frá viðskiptahugmynd til fjármögnunar

Námskeiðinu lýkur með einstaklingsráðgjöf þar sem þátttakendur geta fengið markvissa endurgjöf á eigin verkefni. Sérstök skráning er í gegnum netfangið hjá Kolfinnu Tómasdóttur, kolfinna.tomasdottir@rannis.is