Erasmus dagar 2025 fara fram dagana 13. - 18. október. Um er að ræða sex daga tímabil þar sem athygli er vakin á Erasmus+ áætluninni og tækifærum hennar með samstilltu átaki. Landskrifstofan hvetur styrkhafa til að nota tækifærið og deila framlagi sínu og reynslu.

Hvernig getið þið tekið þátt? Hér eru nokkrar hugmyndir:

• Skrifið grein eða pistil um ykkar Erasmus+ reynslu

• Verið sýnileg á samfélagsmiðlum með myndefni og sögum með myllumerkinu #ErasmusDays

• Skipuleggið listsýningu, ljósmyndavegg eða kynningu

• Haldið Erasmus+ dag í skólanum þínum eða stofnun – við komum gjarnan og segjum frá áætluninni ef óskað er eftir

Við hvetjum ykkur til að skipuleggja haustið með Erasmus dagana í huga og treystum á að í sameiningu getum við gert Erasmus+ hátt undir höfði og sýnt hversu fjölbreytileg og áhrifamikil þátttaka í henni getur verið.