Á vefstofunni verður fjallað um stöðu og þróun færni á íslenskum vinnumarkaði, hvernig hún tengist evrópskum áherslum og hvaða tækifæri felast í auknu samstarfi þjóða á þessu sviði.

Sérstök áhersla verður lögð á Europass og mikilvægi þess að skrásetja upplýsingar um færni, þar á meðal hvernig einstaklingar og stofnanir geta nýtt sér slík verkfæri til að gera hæfni sýnilegri og bæta hreyfanleika á vinnumarkaði. Einnig verður fjallað um önnur stefnumótandi verkefni í Erasmus+ í færni og atvinnumálum, eins og Epale og Eurogudiance.

Vefstofan er framhald af ársfundi Erasmus+ , sem fór fram þann 5. mars undir yfirskriftinni Færni til framtíðar. Hún er ætluð öllum sem hafa áhuga á menntamálum, vinnumarkaði, stefnumótun og alþjóðlegu samstarfi.

Dagskrá:

• Kynning á Bandalagi um færni (e. Union of Skills)
  - Skúli Leifsson

• Færni á íslenskum vinnumarkaði
  - Maj-Britt Hjördís Briem, lögmaður og sérfræðingur í menntamálum hjá Samtökum atvinnulífsins.

• Kynning á Europass og umræður um skrásetningu upplýsinga
  - Tanja Teresa Leifsdóttir

Skráning á vefstofuna