Ungmennastefna ESB hefur raunveruleg áhrif á forgangsröðun í málefnum ungs fólks, allt frá þátttöku í samfélaginu og lýðræði til menntunar, vinnumarkaðar og vellíðunar. Til að ný stefna endurspegli raunverulegar áskoranir dagsins í dag er mikilvægt að raddir sem flestra heyrist.

Ísland tekur fullan þátt í æskulýðssamstarfi Evrópu í gegnum Erasmus+. Áherslur og fjármögnun Erasmus+ eru mótuð af stefnumótun í málaflokknum og því hefur stefnan bein áhrif á íslensk ungmenni sem taka þátt í Erasmus+ verkefnum, félagasamtök, sveitarfélög og stofnanir sem vinna að æskulýðsstarf og fagfólk sem sækir um styrki og tekur þátt í evrópsku samstarfi.
Mikilvægt er að íslenskum sjónarmiðum sé komið á framfæri við mótun stefnunnar til að tryggja að aðstæður smárra ríkja og dreifðra samfélaga endurspeglist í framtíðarsýn Evrópu í æskulýðsmálum.

Samráðið er öllum opið og stendur til 16. júlí 2026. Þar gefst tækifæri til að deila hugmyndum og reynslu sem geta mótað stefnu sem snertir milljónir ungs fólks víðs vegar um Evrópu næsta áratuginn. Við hvetjum öll til að taka þátt og deila sinn sýn því sterk ungmennastefna byggir á fjölbreyttum röddum og raunverulegri þátttöku.

Taka þátt í samráði