Leitað er að einstaklingum sem hafa þekkingu á íslenska menntakerfinu á einu eða fleiri eftirfarandi sviðum:

• leik-, grunn- og framhaldsskólum

• starfsmenntun

• háskólastigi

• fullorðinsfræðslu

Reynsla og/eða skilningur á fjölþjóðlegu samstarfi, framkvæmd og skipulagi verkefna og stefnumiðum Evrópusambandsins á sviði menntunar er nauðsynleg.

Íslenskukunnátta og mjög góð enskukunnátta er skilyrði.

Greitt er fyrir hvert mat eftir ákveðnum taxta.

Matsfólk metur bæði umsóknir og skýrslur tveggja verkefnaflokka: Náms- og þjálfunarverkefni og samstarfsverkefni.

Áhugasöm eru beðin um að senda umsókn og ferilskrá í tölvupósti ekki síðar en 16. febrúar 2026 á: erasmusplus@rannis.is