Umsóknarfrestur rann út í febrúar síðastliðnum. Alls bárust 247 umsóknir og fengu 58 aðilar styrk. Þar af tengjast 17 verkefni pólsk-íslensku samstarfi, sem telst afar góð niðurstaða.

Námsheimsóknir af þessu tagi eru oft fyrsta skrefið í frekara alþjóðlegu samstarfi og geta orðið grunnur að stærri samstarfsverkefnum síðar meir. Auglýst verður eftir umsóknum um styrki fyrir stærri tvíhliða menningarverkefni í sumar, umsóknarfrestur verður í lok september. Skilyrði er að verkefni sé leitt af Pólverjum

Styrkirnir ná til 12 íslenskra stofnana og félaga sem taka þátt . Hlutfall verkefna með íslenskri þátttöku nemur um 30% af þeim námsheimsóknum sem hlutu brautargengi. Eftirtaldir íslenskir aðilar taka þátt í styrktum námsheimsóknum:

• Moon – Austan mána ehf.

• Harpa

• Reykjavíkurborg – menningarskrifstofa

• Snæfellsnes – Byggðasafn

• Þjóðleikhúsið

• Samfélag fyrir ÖLL

• Reykjavíkurborg – fræðsluskrifstofa

• Listaháskóli Íslands

• Tangófélagið

• Sagnheimar

• Reykjavík Jazz Festival

• Skógar

Niðurstöðurnar endurspegla öflugt samstarf Íslands og Póllands á sviði menningar og aukinn áhuga á alþjóðlegri samvinnu á meðal íslenskra menningarstofnana og skapandi greina.