Kallið beinist að þróun og skjalfestingu raunhæfra sviðsmynda fyrir öryggis- og innbrotsprófanir (penetration testing) og áhættumat.

Allt að 18 verkefni verða valin og fá auk styrks aðgang að sérfræðileiðsögn í mentoraprógrammi sem stendur í allt að sex mánuði.

Áhersla er lögð á netógnir sem beinast að mikilvægum innviðum á eftirfarandi sviðum:

• Orka

• Heilbrigðisþjónusta

• Opinber stjórnsýsla

• Stafrænir innviðir

• Upplýsinga- og samskiptaþjónusta (B2B)

• Fjármálainnviðir sem falla undir DORA-reglugerðina

Helstu upplýsingar um kallið:

Styrkupphæð:

Allt að 40.000 evrur (eingreiðsla/lump sum) á verkefni. Umsækjendur leggja fram að lágmarki 50% mótframlag og þarf heildarkostnaður verkefnis því að vera að minnsta kosti 80.000 evrur til að fá hámarksstyrk.

Umsóknarfrestur:

9. júlí 2026 kl. 13:00 að íslenskum tíma (15:00 CEST).

Gjaldgengir umsækjendur:

Einn aðili sækir um. Hæfir umsækjendur eru lítil og meðalstór fyrirtæki, meðalstór fyrirtæki, stór fyrirtæki, háskólar, rannsóknastofnanir og opinberir aðilar með staðfestu í aðildarríki ESB eða EES.

Nánari upplýsingar um kallið og umsóknarferlið má finna á vef CIRCAT.