Verkefnið er hluti af CRESCENDO, evrópsku samstarfsverkefni sem fjármagnað er af Digital Europe áætlun Evrópusambandsins, sem Rannís umsýslar, og miðar að því að styrkja viðbúnað og seiglu netöryggis í orkukerfum á Norðurlöndum.

Markmið verkefnisins er að þróa áfram lausnir sem styðja við aukið öryggi mikilvægra innviða með því að gera öryggisprófanir aðgengilegri, sérstaklega fyrir minni raforkuframleiðendur. Lausnin byggir á þátttöku notenda og miðar að því að efla viðnámsþrótt orkukerfa á svæðinu.

Styrkurinn gerir Defend Iceland kleift að þróa vettvang sinn frekar og útvíkka notkun hans til orkuframleiðenda víðs vegar um Norðurlönd. Verkefnið er jafnframt liður í vaxandi starfsemi fyrirtækisins á svæðinu, meðal annars í samstarfi við aðila í Danmörku.

Úthlutunin er viðurkenning á íslenskri nýsköpun og þeirri nálgun sem fyrirtækið hefur þróað á sviði netöryggis. Alls hlutu sjö fyrirtæki styrk í þessari úthlutun og munu verkefnin styðja við aukið öryggi í raforkugeiranum.

Áhugasamir aðilar eru hvattir til að fylgjast með framvindu CRESCENDO verkefnisins, en stefnt er að annarri úthlutun styrkja í janúar 2027 þar sem valin verða um 30 ný verkefni. Verkefnið leggur einnig áherslu á að byggja upp sterkt samstarfsnet og miðlun þekkingar milli þátttakenda.

Starfsfólk alþjóðateymis Rannís veitir þjónustu og ráðgjöf við aðila sem eru í styrkjaleit, samstarfsleit eða þarf tengingar.

Auglýsing Rannís um styrk Rannsóknaráðs Noregs