Persónuvernd mun birta öll útsend skjöl í eftirfarandi málum í stafrænu pósthólfi frá og með 1. janúar 2026:

• Álitsbeiðnir

• Endurupptökubeiðnir

• Eftirfylgnimál

• Frumathuganir

• Frumkvæðisathuganir

• Fyrirframsamráð

• Gagna- og upplýsingabeiðnir

• Kvartanir

• Leiðbeiningar til ábyrgðar- og vinnsluaðila

• Leyfi

• Öryggisbrestir

• Úttektir

Ef aðili máls hefur skráðan umboðsmann munu bréf málsaðila birtast í stafrænu pósthólfi umboðsmanns.

Hnipp og tilkynningar um ný bréf.

Á Mínum síðum á Ísland.is er hægt að skrá netfang og fá hnipp þegar bréf er birt í pósthólfinu.

Á Mínum síðum er einnig hægt að óska eftir að fá öll bréf send á pappírsformi á lögheimili samhliða birtingu í stafrænu pósthólfi. Hægt er að óska eftir sömu þjónustu með því að mæta á skrifstofu sýslumanna og framvísa skilríkjum.

Réttaráhrif bréfa sem send eru í pósti miðast samt sem áður við tíma birtingar í stafrænu pósthólfi.

Samskipti sem birtast með öðrum hætti en í stafrænu pósthólfi.

Sem stendur munu samskipti vegna eftirfarandi mála ekki vera birt í stafrænu pósthólfi:

• Ábendingar

• Beiðnir um fund

• Fyrirspurnir

• Umsagnarbeiðnir um lög og reglur

• Vísindarannsóknir

Ítrekað er að framangreindar breytingar taka gildi 1. janúar 2026.