Helga Þórisdóttir, forstjóri Persónuverndar, flutti erindi og tók þátt í pallborðsumræðum á Privacy Symposium-ráðstefnunni í Feneyjum sem fer fram dagana 17.-21. apríl.

Umfjöllunarefnið var Evrópuráðssamningur nr. 108+ en yfirskrift málstofunnar var Lærdómur og ráðleggingar frá aðildarríkjum (Convention 108: Lessons Learned and Advices from Ratifying Countries).

Í erindi sínu fór Helga yfir reynslu Persónuverndar af samstarfi á grundvelli samningsins og gagnsemi leiðbeininga sem unnar hafa verið á þeim vettvangi. Þá kom fram í erindi Helgu að áhersla hefði verið lögð á mikilvægi persónuverndar í stjórnarsáttmála ríkisstjórnarinnar og í nýuppfærðri þjóðaröryggisstefnu Íslands.

Með Helgu í panel voru fulltrúar frá Finnlandi, Ítalíu, Sviss, Marokkó og Senegal.