Markmið leiðbeininganna er að samræma framkvæmd milli reglugerðanna. Einnig er leitast eftir að auka skilning viðeigandi aðila á skyldum sínum og réttindum samkvæmt DMA ásamt því að tryggja samræmda og skilvirka beitingu DMA á sama tíma og ákvæði GDPR eru virt.

Bæði GDPR og DMA miða að því að vernda einstaklinga í stafrænu umhverfi. Gerðirnar styðja við hvor aðra í markmiðum sínum: að gæta að réttindum einstaklinga og friðhelgi einkalífs samkvæmt GDPR og sanngirni og samkeppnishæfni stafrænna markaða samkvæmt DMA.

Mörg atriði sem falla undir DMA fela í sér vinnslu á persónugreinanlegum upplýsingum ásamt því að nokkur ákvæði vísa beint í skilgreiningar og hugtök GDPR. Leiðbeiningunum er ætlað að skýra hvernig hægt er að innleiða ákvæði DMA í samræmi við ákvæði GDPR s.s. varðandi kröfur um sérstakt val (e. specific choice) og gilt samþykki (e. valid consent). Í leiðbeiningunum er einnig fjallað um önnur ákvæði svo sem ákvæði sem tengjast dreifingu forrita, flytjanleiki gagna, beiðni um aðgang að gögnum og samvirkni (e. interoperability) skilaboðaþjónusta.

Sjá fréttatilkynningu EDPB hér: DMA and GDPR: EDPB and European Commission endorse joint guidelines to clarify common touchpoints | European Data Protection Board

Leiðbeiningarnar má finna hér: Joint Guidelines on the Interplay between the Digital Markets Act and the General Data Protection Regulation | European Data Protection Board