Persónuvernd
Ábending Persónuverndar vegna vinnslu Meta á símamyndum
13. ágúst 2025
Nýlega hleypti samfélagsmiðillinn Facebook af stokkunum eiginleika sem fer í gegnum myndir á símanum og stingur upp á færslum til að setja inn á samfélagsmiðilinn.
Forrit samfélagsmiðilsins velur sjálfvirkt myndir eða myndbönd af símanum og sendir þær yfir á miðlara Facebook. Í kjölfarið eru myndirnar unnar með gervigreind til að birta uppástungur að færslum í „Story“. Þetta er gert án þess að notandinn hafi sett myndirnar eða myndböndin sérstaklega inn á samfélagsmiðilinn til birtingar þar.
Þar sem um getur verið að ræða töluvert inngrip í einkalíf fólks, og þar sem Persónuvernd hafa borist ábendingar um að fólk hafi ekki gert sér grein fyrir því að kveikt hafi verið á þessum eiginleika, vill Persónuvernd gefa leiðbeiningar um hvernig slökkva skal á eiginleikanum:
1. Opnið Facebook-smáforritið á símanum.
2. Ýtið á + efst á skjánum.
3. Ýtið á „Story“.
4. Í hægra horni uppi: Ýtið á „Settings“-tannhjólið.
5. Neðst er „Camera roll settings”.
6. Slökkvið á „Get camera roll suggestions when you’re browsing Facebook“ og „Custom sharing suggestions from your camera roll“.