Í fylgiskjali póstsins kemur fram að efni hans sé opinber tilkynning og upphaf dómsmáls í tengslum við kynferðisbrot og netglæpi og er Halla Bergþóra Björnsdóttir ríkislögreglustjóri ranglega sögð sendandi.

Við vekjum athygli á því að skilaboðin eru ekki frá ríkislögreglustjóra eða lögreglu og viljum við vara fólk við að svara tölvupóstinum og við því að ýta á hlekki og viðhengi sem geta fylgt svikapóstum sem þessum.

Mikilvægt er að skoða öll skilaboð og allan póst með gagnrýnum augum, ekki smella á hlekki eða viðhengi sem eru grunsamleg og alls ekki gefa upp kortaupplýsingar eða viðkvæmar persónuupplýsingar.

Við vekjum athygli á góðri fræðslu á heimasíðu CERT IS um vefveiðar sem þessar: https://cert.is/frettir-og-utgefid-efni/fraedsla/helstu-tegundir-vefveida/

Hér má sjá dæmi um svikapóst: